Кредиттік рейтинг

“Moody’ s Investors Service” рейтинг агенттігі “ӨДҚ” АҚ рейтингін Ва2-ге дейін көтерді

Moody ‘ s Investors Service “ӨДҚ” АҚ эмитентінің ұзақ мерзімді рейтингін (бұдан әрі – ӨДҚ) жергілікті және шетелдік валютада Ba3-тен Ba2-ге дейін көтерді. Сондай-ақ, Not-Prime-де Эмитенттің қысқа мерзімді рейтингін растады. Эмитент бойынша болжам- “Тұрақты”.

Moody ‘ s Investors Service жариялаған баспасөз парағында мемлекет пен “Қазақстанның Даму Банкі” АҚ бас компаниясы (Baa3) тарапынан қолдау көрсетіліп, бұл өз кезегінде Қазақстан үкіметінің стратегиялық мақсаттарына қол жеткізуде ӨДҚ маңыздылығын көрсетеді. Агенттік сарапшылары сондай-ақ ӨДҚ күшті қаржы профилін атап өтті. Агенттіктің пікірінше, бұл көрсеткіш кірістіліктің, өтімділік деңгейінің және активтердің сапасының тұрақты негізделген көрсеткіштерін көрсетеді.

“Moody’ s Investors Service халықаралық рейтинг агенттігінің сыртқы тәуелсіз бағасы экономикаға инвестиция тартудың қосымша арнасы ретінде таңдап алынған лизингті дамыту стратегиясының дұрыстығын растайды. Соңғы 3 жылда қаржы лизингі құралы арқылы өңдеу өнеркәсібі мен көлік инфрақұрылымының негізгі құралдарын жаңартуға едәуір инвестициялар тартылды. Лизингтік қоржынның өсуі және негізгі қаржылық көрсеткіштерді сапалы жақсарту бойынша белсенді жұмыс жүргізілді”, –деп атап өтті “ӨДҚ” АҚ Басқарма Төрағасы Н. Байбазаров.

ӨДҚ 2015-2019 жылдарға арналған индустриялық-инновациялық даму, 2015-2019 жылдарға арналған “Нұрлы жол” инфрақұрылымдық даму бағдарламалары, “Бизнестің жол картасы 2020″бизнесті қолдау және дамыту бағдарламалары шеңберінде өңдеуші өнеркәсіптегі, өндірістік және көлік инфрақұрылымындағы жобаларды қаржыландырады. 2018 жылдан бастап автобус паркі мен машина-трактор паркін, өңірлік авиажелілер үшін әуе кемелерін жаңарту, әлеуметтік және көлік инфрақұрылымы саласындағы муниципалдық жобаларды қаржыландыру және арнайы медициналық техникамен қамтамасыз ету бойынша бағдарламалар іске қосылды. 2018 жылдың соңында аудит жүргізілмеген деректер бойынша ӨДҚ активтері 315 млрд теңгені, акционерлік капитал 47 млрд теңгені, таза пайда 3,8 млрд теңгені құрады.