2024 жылғы қараша-желтоқсан айларында «Өнеркәсіпті дамыту қоры» АҚ-ның қаржылық қолдауымен еліміздің әртүрлі салалары мен секторларына тартылған бірқатар ведомстволар мен ұйымдар жалпы саны 1027 көлік бірлігін алды.
Қордың көмегімен 50 күн ішінде төмендегідей техника түрлері жеткізілді:
- Жедел медициналық жәрдем көліктері — 60 бірлік;
- Өртке қарсы қызметке арналған автотехника — 40 бірлік;
- Құқық қорғау органдарына арналған автокөлік — 150 бірлік;
- Қоғамдық көліктегі жолаушылар автобустары — 63 бірлік;
- Темір жол саласына арналған жолаушылар вагондары — 1 бірлік;
- Темір жол саласына арналған жүк вагондары — 653 бірлік;
- Ауыл шаруашылығы техникасы — 12 бірлік;
- Арнайы мақсаттағы автотехника — 41 бірлік
- Орман шаруашылығына арналған техника — 3 бірлік;
- Су шаруашылығына арналған техника — 3 бірлік;
- Электр пойызы — 1 бірлік.
Сонымен қатар, 2024 жылдың соңына дейін еліміздің әртүрлі салалары мен секторларына тағы 707 көлік бірлігі жеткізіледі, оның ішінде:
- Жедел медициналық жәрдем көліктері — 25 бірлік;
- Өртке қарсы қызметке арналған автотехника — 223 бірлік;
- Қоғамдық көліктегі жолаушылар автобустары — 82 бірлік;
- Темір жол саласына арналған жолаушылар вагондары — 50 бірлік;
- Темір жол саласына арналған жүк вагондары — 133 бірлік;
- Ауыл шаруашылығы техникасы — 63 бірлік;
- Арнайы мақсаттағы автотехника — 52 бірлік;
- Орман шаруашылығына арналған техника — 72 бірлік;
- Су шаруашылығына арналған техника — 7 бірлік.
«Өнеркәсіпті дамыту қоры» АҚ корпоративтік саясатының негізгі қағидаты — азаматтар үшін ұзақ мерзімді тиімділігі бар жобалардың әлеуметтік бағдарлануы. Қор еліміздің көлік-логистикалық әлеуетін дамытуға, әлеуметтік сала үшін арнайы автокөліктер сатып алуға, сондай-ақ өңірлерде қоғамдық көлікті жаңартуға белсенді түрде қатысады, бұл қызметтерді күн сайын республиканың мыңдаған азаматтары пайдаланады.
