«Өнеркәсіпті дамыту қоры» АҚ «Бәйтерек» ұлттық инвестициялық холдингінің және «Даму» кәсіпкерлікті дамыту қоры» АҚ-ның қолдауымен өңдеу өнеркәсібіндегі шағын және орта бизнестің жұмыс істеп тұрған кәсіпорындарының өндірістік қуаттарын жаңғыртуды лизингтік қаржыландырудың жаңа бағдарламасын іске қосады.
Бағдарлама ШОБ субъектілерін олардың техникалық жарақтандыруды/қайта жарақтандыруды, жаңа жабдықтарды сатып алуды, кәсіпорындардың өндірістік қуаттарын кеңейту мақсатында қолдауды арттыруға бағытталған.
Осы бағдарлама шеңберінде лизингтік қаржыландыру кезеңдік тетікке ие. 1-ші кезеңдегі жалпы бюджет 5 млрд теңгені құрайды. Келесі кезеңдер шеңберінде қаражат бөлу кезінде ақпарат қосымша жүзеге асырылады.
Бағдарламаның негізгі шарттары:
- Бір лизинг алушыға/компаниялар тобына лимит – 1-ден 300 млн теңгеге дейін.
- Сыйақы мөлшерлемесі – 12,6%.
- Қаржыландыру мерзімі – 3-тен 5 жылға дейін.
- Лизинг алушының меншікті ақшалай қаражатпен қатысуы – лизинг заты құнының 10%-ы.
- Лизинг алушының операциялық қызмет мерзімі толық алдыңғы күнтізбелік жылды құрауы тиіс.
- Лизинг заты – өтінім берілген күнге өндірілген күнінен бастап 3 жылдан аспайтын, бұрын пайдаланылмаған, толық кедендік ресімдеуден өткен жаңа жабдық (өздігінен жүретін техниканы, медициналық жабдықты сатып алуға жол берілмейді).
- Лизинг заты сатушысы/жеткізушісі – отандық өндіруші зауыт немесе жабдық өндіруші зауыттың ресми дистрибьюторы/дилері, Қазақстан Республикасының резиденті болып табылатын және жабдыққа (Лизинг затына) ресми құқықтар мен лицензиялар/сертификаттарға (қажет болған жағдайда) ие және жабдықты пайдалануға қосу актісіне қол қойылған сәттен бастап кемінде 1 (бір) жыл бойы кепілдік және сервистік қызмет көрсетуді қамтамасыз ету үшін өндірістік мүмкіндіктерге ие.
- Жеңілдікті кезең – сыйақы бойынша жоқ, негізгі борыш бойынша – қаржылық лизинг шартына қол қойылған сәттен бастап 6 айға дейін.
- Қамтамасыз ету – лизинг заты, заңды тұлға нысанындағы лизинг алушының бенефициарлық иелерінің жеке кепілдігі. Қосымша кепіл талап етілмейді.
- Өтеу кезеңділігі – ай сайынғы тең төлемдермен.
Лизингтік қаржыландыру алудың стоп-факторлары:
- Қарау күніне мерзімі өткен берешектің болуы;
- Мәміле жасаудың және (немесе) орындаудың мүмкіндігі немесе орындылығы күмән тудыратын ресми теріс ақпараттың болуы, оның ішінде лизинг алушының санация, оңалту сатысында болуы, атқарушылық іс жүргізу процесінде болуы туралы мәліметтер, сондай-ақ лизинг алушыда тиісінше емес операциялық қызметтің және сенімсіздік белгілерінің болуын растайтын өзге де теріс ақпарат;
- Өтінім берілген сәтте лизинг алушының операциялық қызмет мерзімі бір толық операциялық күнтізбелік жылдан аз болуы;
- Алдыңғы күнтізбелік жылға арналған айналым лизинг заты құнының бір жарым еселенген мөлшерінен аз;
- Лизинг алушының/лизинг алушының бенефициарлық иелерінің және/немесе жеткізушінің/жеткізушінің бенефициарлық иелерінің санкциялық тізімде болуы;
- Мерзімі өткен салықтық берешектің болуы;
- Лизинг алушының қызмет саласы мынадай салалармен байланысты:
- қару өндіру;
- алкоголь өнімдерін өндіру;
- есірткі, есірткі құралдары мен психотроптық заттарды өндіру;
- темекі бұйымдарын өндіру;
- тұрғын үй құрылысы, егер мұндай құрылыс қонақ үй қызметтері саласындағы нысандардың ажырамас бөлігі болып табылмаса;
- геологиялық барлау жұмыстары;
- құмар бизнесі.
* Қазақстан Республикасының заңнамасымен тыйым салынған қызмет түрлері.
Осы бағдарлама шеңберінде әлеуетті өтініш берушілерді іріктеу республиканың барлық өңірлерінде бар «Даму» кәсіпкерлікті дамыту қоры» АҚ филиалдары арқылы жүргізіледі.
Бекітілген жобаларды қаржыландыру «Өнеркәсіпті дамыту қоры» АҚ арқылы жүзеге асырылады.
