Өткен сенбі күні, 2024 жылғы 9 қарашада Алматы қаласында Халықаралық лизинг күніне орай ұйымдастырылған «Almaty Leasing Cup» шағын футбол турнирі еліміздің жетекші лизингтік компанияларын бір алаңға жинады.
Спорттық шараға «Өнеркәсіпті дамыту қоры» АҚ, «Astana Motors Finance» ЖШС, «Halyk Leasing» АҚ, «ForteLeasing» АҚ, «Leasing Group» АҚ, «КомТрансЛизинг» ЖШС, «NUR LEASING» ЖШС және «Merz Leasing Ltd.» ЖК командалары қатысып, өз ұжымдарындағы мықты спортшыларды ортаға салды.
Турнир барысында барлық ойыншылар әсерлі ойын көрсетіп, көптеген жарқын сәттермен және допты шебер меңгеруімен есте қалды.
Шешуші кезеңде «Өнеркәсіпті дамыту қоры» АҚ командасы қарсыластарын айқын басымдықпен жеңіп, әрбір матчта 3 және одан да көп гол соғу арқылы сенімді жеңіске қол жеткізді. Қорытынды нәтижелер бойынша, екінші орынды «КомТрансЛизинг» ЖШС командасы, ал үшінші орынды «ForteLeasing» АҚ иеленді.
«Өнеркәсіпті дамыту қоры» АҚ қызметкерлерінің салауатты өмір салтын ұстануы мен спортқа белсенді қатысуы олардың турнирдегі жеңісіне айқын ықпал етті. Бұл турнир олардың корпоративтік бірлігі мен командалық рухын тек кәсіби салада ғана емес, спорттық бәсекелерде де көрсете алғандығының куәсі.
Осылайша, Қор қызметкерлері ұйымшылдық пен жоғары командалық рухтың үлгісін тағы бір мәрте дәлелдеп, кәсіби ортадан тыс жетістіктерге де жетуге қабілетті екендіктерін көрсетті.
