Солтүстік Қазақстан облысында өрт сөндірушілерге жаңа өрт сөндіру техникасының кілттері табысталды

2021 жылғы 21 желтоқсанда Петропавлда Тәуелсіздік күніне орай 8  бірлік АЦ-6-40 өрт сөндіру автокөлігінің кілті табысталды. 
Техника «Өнеркәсіпті дамыту қоры»АҚ қолдауымен қаржы лизингі жобасы шеңберінде сатып алынды. 

Сатып алынған жаңа техника Солтүстік Қазақстан облысының 7 ауданы мен облыс орталығының өрт сөндіру бөлімшелеріне таратылады. 
Жыл басынан бері Солтүстік Қазақстан облысының құтқарушылары 3 040 рет төтенше жағдайлар орнына шықты. Бұл ретте 347 адам құтқарылды, төтенше жағдайлар аймағынан 1 583 адам эвакуацияланды, 62 зардап шеккен адамға медициналық көмек көрсетілді.