Ауыл шаруашылығы техникасы

2018 жылдан бастап «Өнеркәсіпті дамыту қоры» АҚ Ауыл шаруашылығы машинасын жасаудың отандық өндірушілерін қолдау шеңберінде машина-трактор паркін жаңарту бойынша лизингтік қаржыландыру бағдарламасының операторы болып табылады. (бұдан әрі-Бағдарлама)

Бағдарламаның мақсаты отандық ауыл шаруашылығы техникасын өндіруді дамытуды қолдау және «Өнеркәсіпті дамыту қоры» АҚ тарапынан лизингтік қаржыландыруды ұсыну жолымен Қазақстан Республикасының өте тозған машина-трактор паркін жаңарту болып табылады.

Лизинг нысанасы - әлеуетті лизинг алушының лизинг нысанасын сатып алу туралы өтініш жасаған күні жаңа, бұрын пайдаланылмаған және 2 жылдан аспайтын отандық өндірістегі комбайн немесе трактор.

Бағдарламаға қатысушылар:
1) «Өнеркәсіпті дамыту қоры» АҚ;
2) лизинг алушы-өз қызметін ауыл шаруашылығы саласында жүзеге асыратын және «Өнеркәсіпті дамыту қоры» АҚ-мен қаржы лизингі шарттарында лизинг заттарын сатып алу мақсатында қаржы лизингі шартын жасасқан заңды тұлғалар, дара кәсіпкерлер, шаруа және фермер қожалықтары;
3) лизинг нысанасын сатушы – тракторлар мен комбайндардың отандық өндірушілері болып табылады. 

Бағдарламаны іске асыру мынадай тәсілдермен жүргізіледі:
1) әлеуетті лизинг алушылардың отандық өндірушіге лизингтік қаржыландыруды тарту туралы өтініммен жүгіну жолымен;
2) «Өнеркәсіпті дамыту қоры» АҚ-ның әлеуетті өнім беруші ретінде қаржы лизингі қызметтерін сатып алуға қатысуы арқылы. 

Бағдарламаны іске асыру шеңберінде лизингтік қаржыландыру шарттары

Әлеуетті лизинг алушы үшін ұзақ мерзімді лизингтік қаржыландыруды ұсыну шарттары:
1) лизингтік қаржыландыру мерзімі - 7 жылға дейін;
2) сыйақы мөлшерлемесі бюджет қаражаты есебінен 7%, коммерциялық қаражат есебінен 15%;
3) қаржыландыру валютасы - теңге;
4) лизинг бойынша бастапқы жарна (аванс) – лизинг нысанасы құнының кемінде 15% - ы
5) комиссиялар, алымдар және/немесе өзге де төлемдер – «Өнеркәсіпті дамыту қоры» АҚ-ның ішкі актілеріне сәйкес;
6) лизинг нысанасын КАСКО бағдарламасы бойынша лизинг алушының қаражаты есебінен сақтандыру.