"Бәйтерек" холдингі тек 2023 жылы бизнесті қолдауға 686,5 млрд теңге бөлді. Толығырақ Ұлттық холдинг басшысының орынбасары Жандос Шайхы бөлісті.
Оның деректері бойынша, өткен жылы 686,5 млрд теңге көлемінде 268 ірі жоба қаржылай қолдау алды. Салыстыру үшін, 2022 жылы бұл сома 685,1 млрд теңге, ал жобалар саны 238 болды.
Сонымен қатар "Бәйтерек" өкілі қаржыландыру бірнеше еншілес құрылымдар арқылы жүзеге асырылатынын еске салды.
Атап айтқанда, Қазақстанның Даму Банкі арқылы 2023 жылы 13 жобаны іске асыру үшін ұзақ мерзімді кредиттер берілді. Оның үшеуі пайдалануға берілді, 798 адам жұмысқа орналасты.
Өнеркәсіпті дамыту қорының (ӨДҚ) желісі бойынша 313,9 млрд теңгеге 255 мәмілеге қолдау көрсетілді. Сондай-ақ, Қор өткен жылы 487,1 млрд теңгеге шамамен 258 жобаны қаржыландырды. Оның 186,9 млрд теңге өңдеу өнеркәсібіне, 248,8 млрд теңге көлік пен қоймаға, 28 млрд теңге басқа қаржы ұйымдарына, 9,9 млрд теңге ауыл шаруашылығына қарыз түрінде берілді.
Холдинг өзінің еншілес және тәуелді ұйымдары арқылы шағын және орта бизнеске белсенді түрде қолдау көрсетуде
Табысты кейстер ретінде Өнеркәсіпті дамыту қоры қолдау көрсеткен жобаларды мысалға келтіруге болады:
- Алматы облысында қағаз және картон ыдыстар шығару үшін гофрленген қаптама шығару өндірістік желісін жаңғыртуға қаржылық көмек көрсетілді. Жалпы құны 5,1 млрд теңге құрады, оның 3,9 млрд теңгесі Қормен бөлінді.
- Ал Қостанайда арнайы коммерциялық техника үшін қосымша қайта жабдықтау өндірісін ұйымдастыруға көмектесті. Жобаны Technopark KZ компаниясы жүзеге асыруда. Құны - 3,2 млрд теңге, оның ішінде ӨДҚ 1,9 млрд теңге бөлді.
- Тағы бір сәтті кейс Шымкенттегі "Оңтүстік" арнайы экономикалық аймағының аумағында іске асырылды, онда Balabi Textile компаниясы трикотаж шұлық шығаратын зауыт салды. Нысанның қуаттылығы - жылына 24,84 млн жұп өнім. Жалпы құны - 6,5 млрд теңге, оның ішінде 3,6 млрд теңге ӨДҚ бөлді.
Өңірлерде ШОБ субсидиялау
Ақпаратқа сәйкес, несиелеу сомасы 1 трлн теңгеден асатын 12,3 мың жобаға қолдау көрсетілді. Бұл көрсеткіш жоспардың 193%-ын құрады.
Мысалы, "Үштөбе сүт өнімдері" Жетісу облысындағы сүт өнімдерін өндіретін өндіруші субсидиялау және кепілдік беру құралдары бойынша кәсіпкерлікті дамыту жөніндегі ұлттық жоба шеңберінде 2023 жылы "Даму" қорының қолдауына ие болды.
Тағы бір жоба Таразда жүзеге асырылды. Қалада Galam High School құрылысын аяқтау үшін несие қаражаты қажет болды. Жоба субсидиялау құралын пайдаланды.
Ал Семейде JQ kids балалар ойын-сауық орталығына қаржыландыру берілді. Қаражат ойын-сауық орталығы үшін негізгі құралдарды жөндеуге және сатып алуға жұмсалды. Мәселен, "Даму" қолдауы есебінен кәсіпкер үшін пайыздық мөлшерлеме жылдық 8%-ға дейін төмендетілді.
Сонымен бірге биыл "Даму" Таразда ұлттық костюмдер, мектеп формасы мен әскери қызметшілерге арналған арнайы киім тігетін "Дана-Дель" ЖК-ні қолдады.
Бұдан басқа, 2024 жылы Павлодарда өз қуатын кеңейтіп, қажетті жабдықты сатып алуға шешім қабылдаған "Феникс" жиһаз фабрикасына көмек көрсетілді. Бұл жағдайда мемлекеттік бағдарлама шеңберінде несие бойынша мөлшерлеме 20,75% құрады. Кәсіпкер оның 8%-ын төлейді, қалғаны - мемлекеттік субсидиялар.
ШОБ бойынша тағы бір қызығарлық кейс – ауыл шарашылығы дақылдарын суаруға арналған дөңгелек типті жаңбыр жүйесін өндіруші. Жергілікті SPACETIME ЖК "Даму" қорынан субсидиялау мен кепілдік алды.
Бизнеске арналған кепілдіктер
2023 жылды қорытындылай келе, сарапшы жалпы алғанда 363,2 млрд теңге кредиттеу сомасына 8,2 мың жоба кепілдік алғанын, бұл жоспардың 93% құрайтынын айтты.
"Жоспарлы көрсеткіштерге әсер еткен негізгі себептер бір қарыз алушыға шаққандағы орташа чектің өсуімен (40% – ға ұлғайды) және жоғары қажеттілікке байланысты бюджет қаражатының тапшылығымен (шамамен 40 млрд теңге) байланысты", - деп түсіндірді Шайхы.
Бұдан басқа, 2,7 мың қазақстандыққа 164,2 млрд теңгеге жеңілдікпен несие берілді, бұл жоспардың 86% -ын құрайды. Сонымен қатар Qazaqstan Investment Corporation желісі бойынша 20 млрд теңгеден астам жеті жоба қаржыландырылды.
Дереккөз: lsm.kz
